Plus4
پێش ٢ هەفتە
لەتیف نێروەیی: پارتی بەنیازبوو بکشێتەوەو بافڵ تاڵەبانی کوردستانی لەقەیرانێکی تری گەورە ڕزگارکرد
لەتیف نێروەیی، ئەندامی سەركردایەتیی یەكێتی ڕایگەیاند: بافڵ تاڵەبانی کوردستانی لەقەیرانێکی تری گەورە ڕزگارکرد.
نێروەیی دەڵێت: گەر بافڵ تاڵەبانی نەبوایە، پارتی نیازی وابوو لەبەغدا بكشێتەوە.
دەشڵێت: بافڵ تاڵەبانی بەو ڕێکكەوتنەی ئێستا هاتە کایەوە، كوردستانی لەقەیرانێكی گەورەی تر ڕزگاركرد.
ئاماژەی بۆ ئەوەشکرد: بافڵ تاڵەبانى بەنوێنەرایەتیى هەموو هەرێمى کوردستان سەردانى بەغداى کردو لەیەکەم کۆبوونەوەدا لەگەڵ سەرۆک وەزیرانى عێراق، گەیشتنە لێکتێگەیشتنێکى گرنگ کە بووە کلیلى کردنەوەى دەرگا داخراوەکان.
ڕوونیشیکردەوە: بۆچوونى بافڵ تاڵەبانى ئەوە بووە کە بەبایکۆت ناگەینە ئەنجامێکى ئەرێنى، واتا ناتوانین کێشەکان چارەسەربکەین، بەڵکو کێشەکە ئاڵۆزتر دەبێت و دۆخى هاووڵاتیان و مووچەخۆران دژوارترو سەختر دەبێت، قوڵایى ستراتیژیى چارەسەرى ئەم کێشەیە هەر بەغدایە.
ئاشکراشیکرد: بافڵ تاڵەبانى پێشنیازیکرد دەرفەتێک بەئەو بدەن تا سەردانێکى بەغدا بکات، ئەم پێشنیازە پەسەندکرا.
