plus4
پێش 3 هەفتە
پێشەوا هەورامانی: ئەمڕۆ ڕێککەوتنەکە واژۆ دەکرێت و هیچ بەربەستێک لەبەردەم ناردنی مووچە نامێنێت
بڕیارە ئەمڕۆ ڕێککەوتنە سێ قۆڵییەکەی نێوان هەرێم و بەغداو کۆمپانیاکان واژۆ بکرێت و بەربەستێک لەبەردەم ناردنی مووچە نەمێنێت.
لەوبارەیەوە پێشەوا هەورامانی؛ وتەبێژی حكومەتی هەرێمی كوردستان، دەڵێت: هەردوو حكومەتی هەرێم وبەغداو كۆمپانیاكانی بەرهەمهێنانی نەوت گەیشتوونەتە ڕێككەوتن، واژۆکردنی ڕێككەوتنەكەش لەئان و ساتدایە.
هەورامانی دەڵێت: گەر هیچ ئەگەرێکی نەخوازراو نەیاتە ئاراوە، ئەوا بەدڵنیاییەوە ئەمڕۆ ڕێككەوتنەكە واژۆدەكرێت.
ئاماژە بۆ ئەوەشدەکات کە بەواژۆكردنی ڕێككەوتنەكە، هیچ بەربەستێك لەبەردەم ناردنی مووچە نامێنێت، بۆیە پێویستە بەغدا بەو ئەركەی خۆی هەڵبستێت و مووچەی مووچەخۆرانی هەرێم بنێرێت.
